23.01.2026
Тарих пәнінің мұғалімі Э.Т. Капышованың ұйымдастыруымен 8 «А» сыныбында «Қазақстандағы ұжымдастыру: Ұлы нәубет тарихы» тақырыбында ашық сабақ өткізілді.
Сабақ барысында оқу бағдарламасына сәйкес оқу мақсаттары негізінде әртүрлі тапсырмалар орындалып, оқушылардың тақырыпты терең меңгеруіне жағдай жасалды. Тарихи оқиғаларды түсіндіру мақсатында жасанды интеллект құралдары арқылы дайындалған «Бесеудің хаты» тақырыбындағы бейнематериал көрсетілді.
Сонымен қатар, сабақты бекіту кезеңінде оқушылар Telegram мессенджері арқылы арнайы бот көмегімен қорытынды сұрақтарға жауап беріп, өз білімдерін заманауи цифрлық құралдар арқылы көрсете білді.
Ашық сабақ оқушылардың тарихи санасын қалыптастыруға, сыни ойлау дағдыларын дамытуға және цифрлық технологияларды тиімді қолдану арқылы оқу үдерісінің сапасын арттыруға бағытталды.