13.01.2026
Бүгін жаһандық құзыреттер пәнінің мұғалімі А.К. Есбосынованың ұйымдастыруымен 8–11 сынып оқушылары арасында мектеп түлегі, мемлекеттік грант иегері Мұратқызы Дианамен кездесу өткізілді.
Кездесу барысында оқушыларға мемлекеттік грантқа дайындық жолдары, мектеп бағдарламасы аясында жүйелі түрде білім алудың маңыздылығы туралы түсіндірілді. Сонымен қатар жоғары нәтижеге тек күнделікті еңбек пен жауапкершілік арқылы қол жеткізуге болатыны атап өтілді.
Іс-шара аясында тиімді күн тәртібін құру және оны сақтау, оқу мен демалысты дұрыс үйлестіру, сондай-ақ қазіргі қоғамда бірнеше тілді меңгерудің қажеттілігі жөнінде нақты жауаптар мен ұсыныстар берілді.
Аталған кездесу оқушылардың оқу мотивациясын арттыруға, болашақ мамандықты саналы таңдауға және ҰБТ-ға дайындық бағытында пайдалы ақпарат алуға мүмкіндік берді.