Текст
14.11.2025
2025 жылдың 13 қараша күні мектебімізде қызықты әрі көңілді спорттық ойындар өтті. Бұл шараның мақсаты – оқушылардың салауатты өмір салтын ұстануға, белсенділік пен командалық рухқа тәрбиелеу болды. 5–7-сынып оқушылары арасында «Шар-спринт» ойыны ұйымдастырылып, оқушылардың ептілігі мен жылдамдығы сынға түсті. Ал 8–11-сыныптар арасында өткен «Кім жылдам?» сайысында қатысушылар өз шапшаңдығы мен тапқырлығын көрсетті. Барлық сыныптар жоғары белсенділік танытып, өз командаларын ынтамен қолдап отырды. Ойын барысында мектеп дәлізі шаттыққа толып, оқушылардың жүздерінде күлкі мен қуаныш көрініп тұрды. Мұндай спорттық шаралар оқушылардың денсаулығын нығайтып қана қоймай, достық пен ұйымшылдықтың қадірін ұғынуға мүмкіндік береді.